Türkmenistanda 24-nji iýundan 29-njy iýun aralygynda Türki döwletleriň Medeniýet hepdeligi geçiriler
Türkmenistanda 24-nji iýundan 29-njy iýun aralygynda Azerbaýjandan, Gazagystandan, Türkiýeden we Özbegistandan gelen wekilleriň, şeýle hem Türki medeniýetiň halkara guramasynyň (TÜRKSOÝ) ýolbaşçylarynyň we onuň Sekretariatynyň gatnaşmagynda Türki döwletleriň Medeniýet hepdeligi geçiriler.
Bu barada türkmen hökümetiniň başlygynyň orunbasary Mährijemal Mämmedowa anna güni geçen Türkmenistanyň Ministrler Kabinetiniň mejlisiniň barşynda aýtdy – diýip, TDH habar berýär.
Döwlet baştutany Serdar Berdimuhamedow Türkmenistanyň medeniýet babatynda hyzmatdaşlyga, hususan-da – TÜRKSOÝ bilen hyzmatdaşlyga uly ähmiýet berýändigini belläp, çäräniň ýokary guramaçylyk derejesinde geçirilmegini tabşyrdy.
Türki dilli döwletleriň Medeniýet hepdeligi guramanyň döredilmeginiň 30 ýyllygyna bagyşlanyp geçiriler.
ORIENT habarlar
