TDHÇB-daky söwdalaşyklar: $300 müň amerikan dollary möçberinde tüýjümek önümler eksporta ugradyldy
Anna güni, 2-nji iýunda, Türkmenistanyň Döwlet haryt-çig mal biržasyndaky söwdalaşyklarda jemi bahasy $298,8 müň amerikan dollaryna deň bolan 3 geleşik baglaşyldy – diýip, ORIENT habar berdi.
BAE-den, Hytaýdan we Gyrgyzystandan gelen işewürler jemi 66,4 müň kg boýalan tüýjümek önümleriň dürli görnüşlerini satyn aldylar. Önümiň her kg $4,50 amerikan dollary baha berildi. Geleşikleriň jemi bahasy $298,8 müň amerikan dollaryndan geçdi.
Söwdalaşyklara goýlan harytlar barada maglumatlar bilen Türkmenistanyň Döwlet haryt we çig mal biržasynyň resmi web saýty arkaly şu ýerden tanşyp bilersiňiz.
Oba hojalygy, senagat we aragatnaşyk bölümlerinde, şeýle hem söwda toplumynda söwdalaşyk duşenbe-anna günleri 16:00-da, şenbe güni sagat 11:30-da başlanýar. Nebit we gaz pudagynda birža söwdasy duşenbe-anna günleri 16:30-da, şenbe güni 12:00-da başlanýar.
Şol bir wagtyň özünde, tmex.gov.tm web sahypasynda, birža harytlaryny gönümel öndürijilerden satmak teklipleri bilen funksional platformanyň üsti bilen habarlaşyp bilersiňiz. Şeýle hem birža harytlarynyň satuwy barada bildirişleri hem çap edip bolýar.
ORIENT habarlar
