Gyrgyzystanyň Ýokary Geňeşi döwlet dili hakynda kanun kabul etdi
Gyrgyzystanyň Ýokary Geňeşi döwlet dili hakynda konstitusiýa kanunyny kabul etdi, üýtgeşmeler, esasan ýokary wezipeli adamlara we döwlet işgärlerine, şeýle hem KHBS-ne täsirini ýetirer.
Kanun gyrgyz dilini resminama işlerinde, geografiki atlarda, harytlar we hyzmatlar baradaky maglumatlarda ulanmagy hökmany edýär. Şol bir wagtyň özünde rus dili resmi derejesini saklaýar we bu kanun Konstitusiýada berkidilen.
Üýtgeşmeler ýokary wezipeli döwlet işgärlerine-de degişli bolup, olaryň gyrgyz dilini B1 derejesinde bilmegi hökmanydyr. Ýagny, söz baýlygy azyndan üç müň söz bolup, olar gyrgyz dilinde okamagy, tekste düşünmegi, pikirlerini ýazmaça we dilden beýan etmegi başarmaly.
Şeýle hem kanun köpçülikleýin habar beriş serişdeleri üçin birnäçe düzgünleri kesgitleýär - teleradio kompaniýalaryň ýaýlyma berýän önümleriniň 60%-i döwlet dilinde bolmaly. Internet çeşmeleri üçin hem düzgünler döredildi – gyrgyz dilinde berilýän maglumatlar beýleki dillerdäkiden az bolmaly däldir.
Taslama Ýokary Geňeşden gol çekmek üçin Prezidente ugradylar we şondan soň resminama güýje girer.
ORIENT news
