"Awaza" Milli syýahatçylyk zolagynda kuwwatlylygy 370 kWt bolan gün elektrik stansiýasy işe girizildi
“Awaza” Milli syýahatçylyk zolagynda ýerleşýän “Hasyl” myhmanhanasynda anna güni kuwwatlylygy 370 kWt bolan gün elektrik stansiýasy işe girizildi. 29 gün paneli CO2 ekwiwalentinde parnik gazlarynyň zyňyndylaryny ýylda 104 tonna barabar azaltmaga kömek eder diýip, çärede hünärmenler bellediler.
Elektrik stansiýasy parnik gazlarynyň zyňyndylaryny azaltmak we howanyň üýtgemeginiň täsirini peseltmek üçin gün we gaýtadan dikeldilýän energiýa çeşmeleriniň beýleki görnüşleriniň ulanylyşyny çaltlaşdyrar. Stansiýa "Türkmenistanda durnukly şäherler: Aşgabatda we Awazada ýaşyl şäherleriň toplumlaýyn ösüşi" taslamasynyň çäginde guruldy. Maksatnama Global daşky gurşaw gaznasy tarapyndan maliýeleşdirilýär.
Açylyş dabarasyna BMGÖM-iň Türkmenistandaky hemişelik wekili Narine Saakýan gatnaşdy.
ORIENT news
