Hytaý MA ýurtlary bilen EI we 5G babatynda nou-hau bilen paýlaşar — Hytaýyň Täjirçilik ministrligi
Hytaýyň Täjirçilik ministrliginiň resmi wekili Şu Szýuetin Pekiniň Merkezi Aziýa ýurtlary bilen emeli intellekt we ykjam aragatnaşygyň 5-nji nesliniň tehnologiýalary babatynda täzeçillikleri bilen paýlaşjakdygyny beýan etdi – diýip, Big Asia habar berýär.
«Biz sanly söwdany amala aşyrarys, düzgünleriň ylalaşylmagyna, ölçegleriň ikitaraplaýyn ykrar edilmegine we sanly infrastruktura birikdirilmegine goldaw bereris. Biz şeýle hem emeli intellekt, uly maglumatlar, 5G we beýleki ugurlarda nou-hau (praktiki bilimler we tejribeler) bilen paýlaşarys» – diýip, ministrligiň wekili beýan etdi.
Bu ugurlarda özara gatnaşyklar Merkezi Aziýa döwletleriniň we HHR-nyň baştutanlarynyň 18-19-njy maýda Sianda geçirilen birinji ýüzbe-ýüz sammitiniň çäklerinde gazanylan ylalaşyklaryň çäklerinde bolup geçer.
Duşuşyklaryň jemleri boýunça taraplaryň arasyndaky esasy ylalaşyklaryň biri Merkezi Aziýa ýurtlarynda IT-parklaryny döretmek boýunça hyzmatdaşlygy ýola goýmak boldy.
ORIENT habarlar
