Türkmenistan we Gyrgyzystan 2024-nji ýylda elektrik energiýasyny ibermek barada ylalaşyga gol çekmäge taýýar
Maý 31, 2023 | 14:18 |4278
Gyrgyzystan Respublikasynyň energetika ministri Taalaýbek Ibraýew 2024-nji ýylda türkmen elektrik energiýasyny respublika ibermek hakynda ylalaşyga gol çekmek üçin 31-nji maýda Aşgabada gelýär – diýip, Akipress habar berýär.
«2024-nji ýylda elektrik energiýasyny ibermek hakynda ylalaşyga gol çekmek üçin ertir meniň Türkmenistana saparym bolar» – diýip, sişenbe güni respublikanyň energetika edarasynyň baştutany beýan etdi.
Ministrligiň meýilnamalaryna laýyklykda, Gyrgyzystan 1-2 ýylyň dowamynda elektrik toguna bolan ýetmezçiligi doly ýapmalydyr. Respublika türkmen elektrik energiýasyny durnukly we uly möçberde satyn alyjylaryň biridir.
ORIENT habarlar
