Aýal-gyzlar innowasiýa pikirleriniň gözleginde: Aşgabatda DigiWomen Codefest hakatony başlandy
Aşgabatda üç günlük “DigiWomen Codefest” hakatony (bäsleşik) badalga aldy, bu bäsleşik innnowasiýa tehnologiýalar babatda artykmaçlygy bolan aýal-gyzlara öz işini döretmäge itergi berýän innowasiýa ideýalaryny we tehniki ukyplaryny görkezmäge mümkinçilik berer.
Hakaton 2023-nji ýylyň fewral aýynda USAID-iň Telekeçiligi we işewür gurşawy ösdürmek boýunça taslamasy tarapyndan Amerikan burçlary, Hewlett Packard Gazagystan we Türkmenistandaky “Sanly Bilim” hususy bilim merkezi bilen bilelikde ýola goýlan DigiWomen Camp maksatnamasynyň jemleýji moduly boldy. Maksatnamanyň maksady Türkmenistanda aýal-gyzlar üçin IT pudagynda hünär derejesini ýokarlandyrmaga täze mümkinçilikleri döretmekden ybarat.
Bu çärä ýurduň ähli sebitlerinden we Aşgabatdan 96 adam gatnaşyp, olar 12 topara bölündi. Üç günüň dowamynda toparlar tehnologiki taslamalar bilen meşgullanarlar, innowasiýa ideýalaryny durmuşa geçirerler we sanly önümleri dörederler.
— Toparlar döredilende web işläp taýýarlama, dizaýn we ş.m. bilen baglanyşykly başarnyklary göz öňünde tutduk. Biz olaryň öňünde kesgitli mowzuklary goýduk we bu mowzuklaryň çäginde ýörite berkidilen bilermenleriň kömegi bilen bäsleşige gatnaşyjylar ýüze çykan meseläni anyklamaly – diýip, FGI taslamasynyň wekili Wepa Mälikgulyýew ORIENT-iň habarçysyna gürrüň berdi.
Mowzuk hökmünde - kärhanalar we telekeçiler üçin çözgütler, şol sanda maliýe dolandyryşy, önümçilik amallary, sanly marketing; zenanlaryň telekeçiligini ösdürmek boýunça taslamalar; ýerli kärhanalary we maldarlary olaryň önümlerini we hyzmatlaryny mahabatlandyrmak arkaly goldamak; zenanlaryň saglygy we abadançylygy we ş.m.
Hakatonda üstünlikli çykyş edenlere halkara bazara ugrukdyrmak bilen işewürlik taslamasyny durmuşa geçirmäge mümkinçilik garaşýar.
Çärede giriş sözi bilen çykyş eden USAID-iň Türkmenistandaky wekili Nino Nadiradze web işläp taýýarlamany ösdürmegiň ähmiýetini belläp, zenan programmistler üçin halypalaryň goldawynyň möhümdigini aýtdy.
Mesele seljerilensoň, gatnaşyjylar 48 sagadyň dowamynda täze goşundyny işläp taýýarlamak üçin ony sanly çözüp başlarlar. Indiki neşirlerde ORIENT okyjylaryny hakatonyň netijeleri we ýeňijileri bilen tanyşdyrar.
Artur PETROSYANS
