Gurbanguly Berdimuhamedow Saud Arabstanyň Patyşa maşgalasynyň agzasy bilen hyzmatdaşlygy ara alyp maslahatlaşdy
Türkmenstanyň Halk Maslahatynyň Başlygy Gurbanguly Berdimuhamedow Saud Arabystanyň Patyşa maşgalasynyň wekili, emir Muhammad bin Saad ben Halid Al Saud bilen gepleşikleri geçirdi, onuň bilen türkmen-saud hyzmatdaşlygynyň geljekki ugurlaryny ara alyp maslahatlaşdy.
Iki döwletiň wekilleri meseleleriň giň toparyna garadylar, maýa goýumlary, oba hojalygy, energetika, söwda, himiýa we dokma senagaty, şeýle hem medeni-ynsanperwer hyzmatdaşlyga degip geçdiler – diýip, TDH habar berýär.
Mundan başga-da, taraplar parlamentara gatnaşyklarda bar bolan mümkinçiliklere we iki döwletiň deputatlarynyň arasynda tejribe alyşmaga üns berdiler.
Innowasion tehnologiýalary ösdürmäge gyzyklanýan türkmen we saud ýaşlary üçin açylýan mümkinçilikler barada hem durlup geçildi. Bu jähtde taraplar medeni-ynsanperwer hyzmatdaşlygy ösdürmäge taýýardyklaryny beýan etdiler.
Aşgabada gelen myhman türkmen raýatlaryny ýurduň Konstitusiýa we Döwlet baýdagynyň güni bilen gutlady, şeýle hem «akylly» şäher Arkadagyň täsir galdyrandygyny belledi.
ORIENT habarlar
