Belarus 2023-nji ýylda ŞHG-nyň düzümine kabul ediler — respublikanyň howpsuzlyk geňeşiniň döwlet sekretary
Belarus 2023-nji ýylda ŞHG-na kabul ediler. Bu barada KHBS-niň wekillerine ýurduň Howpsuzlyk geňeşiniň döwlet sekretary Aleksandr Wolfowiç beýan etdi.
«Şu ýyl prezident tarapyndan şeýle wezipe goýuldy. Biz bu wezipäni ýerine ýetirmeli» — diýip, ol munuň Şanhaý hyzmatdaşyk guramasyny pugtalandyrjakdygyny belledi.
Belarusyň ŞHG-na doly hukukly agza hökmünde kabul edilmeginiň meselesi maý aýynyň başynda Hindistanyň Panadžisinde (Goa ştaty) geçen ŞHG-sy döwletleriniň daşary syýasat edaralarynyň baştutanlarynyň maslahatynda hem ara alnyp maslahatlaşyldy. Şonda Hindistanyň DIM-niň baştutany Subramanýam Džaýşankar, häzirki wagtda gurama başlyklyk edýän ýurt, bu meselede ep-esli öňegidişligiň bardygyny beýan etdi.
2010-njy ýyldan bäri Belarus ŞHG-sy boýunça dialogyň hyzmatdaşydyr. Bäş ýyldan soňra ol synçynyň derejesini aldy.
2021-nji ýylda Belarus doly hukukly agza hökmünde ŞHG-na girmäge taýýardygyny beýan etdi, 2022-nji ýylda bolsa respublikanyň gurama agzalyga kabul edilmeginiň prosedurasy başlandy.
Şanhaý Hyzmatdaşyk Guramasy — bu 2001-nji ýylda döredilen halkara gurluşdyr. Onuň düzümine Hindistan, Gazagystan, Hytaý, Gyrgyzystan, Russiýa, Täjigistan, Pakistan we Özbegistan girýär. Synçy-ýurtlar Owganystan, Belarus, Eýran we Mongoliýadyr.
ORIENT habarlar
