Türkmenistan türki dilli dünýäniň Talyplar teatrlarynyň festiwalyna wekilçilik eder
Türkmen talyplary 22-nji maýdan 26-njy maý aralygynda Daşkentde geçiriljek «Türki dilli dünýäniň Talyplar teatrlarynyň festiwalyna» gatnaşarlar – diýip, Sputnik Uzbekistan habar berýär.
Çäräniň çäklerinde teatrlaşdyrylan sahnalar, «Kompozitorlaryň bäsleşigi», ussatlyk-sapaklary, tegelek stollar, kitaplaryň tanyşdyrylyşy, ylmy-amaly maslahatlar we konsertler guralar.
TÜRKSOÝ-yň howandarlygynda geçjek festiwal Azerbaýjandan, Gazagystandan, Gyrgyzystandan, Türkmenistandan, Türkiýeden we Özbegistandan talyplary ýygnar. Mundan başga-da, Belarusdan, Hytaýdan, Russiýadan, Täjigistandan we beýleki ýurtlardan hünärmenleriň gelmegine garaşylýar.
Bu festiwalyň döredijilik bilen meşgullanýan ýaşlar bilen başarnyklary we tejribeleri alyşmak üçin platforma boljakdygy, şeýle hem TÜRKSOÝ-yň döwletleriniň arasyndaky uzak möhletleýin hyzmatdaşlygyň guraly boljakdygy şübhesizdir.
ORIENT habarlar
