China Daily: Hytaýda 5-nji Halkara çaý sergisi geçdi
Hytaýda 5-nji Halkara çaý sergisi tamamlandy – diýip, China Daily habar berýär. Bu Hançžoudaky Halkara sergi merkezinde her ýylda iki gezek geçirilýän çaý senagatynyň öňdebaryjy we iri gerimli sergileriniň biridir.
Bu ýyl ol dünýäniň 10-dan gowrak ýurdundan 800-den gowrak çaý öndüriji kompaniýalary ýygnady. 50 müň ga inedördül metr meýdanda tutuş çaý senagatyny gurşap alýan önümler: çaý, çaý serwizleri, gaplama, önümçilik enjamlary, çaý ekmegiň we ony saklamagyň tehnologiýasy we başga-da köp önümler görkezildi.
Çäre şeýle hem tejribe alyşmaga, mundan beýläkki hyzmatdaşlyk üçin täze gatnaşyklary ýola goýmaga mümkinçilik berdi.
Hytaýyň Halkara çaý sergisi 2006-njy ýylda döredildi. Şol wagtdan bäri ol öz geografiýasyny we hödürlenýän önümleriň görnüşlerini giňeldip, okgunly ösdi. Sergi baharda we güýzde geçirilýär.
ORIENT habarlar
