Türkmenistanyň Medeniýet ministrliginiň wekilleri Eýranda Magtymgulynyň ýubileýiniň baýram edilmegine gatnaşdylar
Türkmenistanyň Medeniýet ministriniň orunbasary Nursähet Şirimow we ýurduň ÝUNESKO-nyň işleri boýunça Milli toparynyň sekretary Çynar Rüstemowa Eýranyň Gülistan welaýatynyň medeniýet işgärleri bilen bilelikde Magtymgulynyň 300 ýyllygynyň baýram edilmegine gatnaşdylar – diýip, Tehran Times habar berýär.
Olar Eýranyň demirgazygyndaky Gülistan welaýatynyň Ak Tokaý obasynda — edebiýatyň ösüşiniň taryhynda uly yz galdyran beýik türkmen şahyrynyň we akyldarynyň jaýlanan ýerinde boldular.
Türkmenistanyň Medeniýet ministriniň orunbasary welaýatyň ýaşaýjylaryna görkezilen myhmansöýerlik we türkmen şahyryna goýýan çuňňur hormat-sarpalary üçin minnetdarlyk bildirip, şuňa meňzeş çäreleriň Eýran bilen medeni-ynsanperwer hyzmatdaşlygyň pugtalandyrylmagyna ýardam edýändigini belledi.
Şunda ýakyn wagtlarda Magtymguly Pyragynyň eserleriniň pars dilinde 4 tomdan ybarat kitabynyň neşir ediljekdigi habar berildi. Taslama eýran terjimeçileri tarapyndan taýýarlanylýar.
ORIENT habarlar
