TDHÇB-daky söwdalaşyklar: ABŞ-nyň 6,2 mln dollaryna deň bolan polipropilen we uçar kerosini eksport edildi
Maý 20, 2023 | 10:23 |4961
Anna güni, 19-njy maýda Türkmenistanyň Döwlet haryt-çig mal biržasyndaky söwdalaşyklarda jemi bahasy $6,9 mln amerikan dollaryna deň bolan 7 geleşik baglaşyldy - diýip, ORIENT-iň habarçysy habar berýär.
Özbegistandan gelen telekeçi TPP D 382 BF kysymly polipropileniň 300 tonnasyny satyn aldy, onuň her tonnasyna $1 033 amerikan dollary baha berildi. Geleşigiň jemi bahasy $309,9 müň amerikan dollaryna deň boldy.
Wirgin adalaryndan gelen işewür ТС-1 kysymly uçar kerosininiň 9 müň tonnasyny satyn aldy. Harydyň her tonnasyna $663,50 amerikan dollary baha berildi. Geleşigiň jemi bahasy $5,9 mln amerikan dollaryndan geçdi.
Gyrgyzystanyň işewür toparlarynyň wekilleri $673,7 müň amerikan dollary möçberinde matalaryň dürli görnüşlerini satyn aldylar.
