Özbegistan Bütindünýä küşt olimpiadasyny geçirmäge 4 mln dollardan gowrak bölüp berer
46-njy halkara küşt Olimpiadasy 2026-njy ýylda Samarkantda geçiriler. Çäräni geçirmek üçin ABŞ-nyň dört million dollaryndan gowrak bölünip berler. Degişli karara respublikanyň prezidenti Şawkat Mirziýoýew gol çekdi – diýip, UzA habar berýär.
Resminama laýyklykda Guramaçylyk komitetiniň esasy meselesi FIDE-niň ýolbaşçylarynyň wekiliýetiniň Daşkende we Samarkanda saparlaryny taýýarlamak, şeýle hem çykdajylaryň smetasyny tassyklamak we bu işe goşulan ministrlikleriň we edaralaryň alyp barjak işlerini utgaşdyrmakdyr.
Smetanyň esasynda Ykdysadyýet we maliýe ministrligine döwlet býujetiniň parametrlerinde ABŞ-yň 4 mln dollaryndan gowrak möçberi göz öňünde tutmak tabşyryldy, ol şol sanda FIDE Olimpiadany geçirmek üçin kepillendirilen serişdeleriň tölegini geçirmäge, ýurtdaky küştçüleri we tälimçileri taýýarlamaga, superkompýuteriň programmasyny kärendesine almaga we okuw edebiýatyny taýýarlamaga goýberler.
Edaralaryň birnäçesine kadaly esasda «Küşt çagalar bagyndan başlanýar» atly ýörite maksatnamany ýerine ýetirmegi guramak, çagalar bagynda terbiýelenýänleriň arasynda her ýyl «Küşt festiwalyny» geçirmek we umumy orta bilimi berýän edaralarda küşt boýunça «Mekdep ligasy», «Akademiki liseýleriň ligasy», «Hünär bilim edaralarynyň ligasy» we «Talyplar ligasy» atlary bilen üç tapgyrly ýaryşlary her ýylda geçirmegi ornaşdyrmak tabşyryldy.
ORIENT habarlar
