Türkmen diplomatlary Himiki ýaraglary gadagan etmek boýunça guramanyň maslahatyna gatnaşýarlar
Maý 17, 2023 | 11:47 |6716
Türkmenistanyň wekiliýeti Gaagada, Niderlandlarda geçirilýän Himiki ýaraglary gadagan etmek boýunça Konwensiýa garamak boýunça Bäşinji maslahata gatnaşýarlar.
Wekiliýete ilçi, Türkmenistanyň ÝB-däki wekili Sapar Pälwanow baştutanlyk etdi – diýip, ýurduň Brýusseldäki diplomatik wekilhanasy habar berýär.
Maslahatyň barşynda Himiki ýaraglary gadagan etmek boýunça guramanyň agza-döwletleri Konwensiýanyň ýerine ýetirilişine baha bererler we mundan beýläkki işjeňlik üçin strategik gollanmany işläp düzerler.
Mundan başga-da, syn bermek boýunça geçirilýän Maslahat Konwensiýanyň ýerine ýetiriliş derejesine baha berer we ýakyn ýyllar üçin bu guramanyň ileri tutulýan ugurlaryny kesgitlär.
ORIENT habarlar
