Beýik Britaniýanyň täze ilçisi Stiwen Konlon Aşgabat şäherine geldi
Duşenbe güni Beýik Britaniýanyň täze ilçisi Stiwen Konlon Türkmen Daşary işler ministrligine öz şahsyýetnamalarynyň nusgalaryny gowşurdy. Duşuşyk Daşary işler ministriniň wezipesini wagtlaýyn ýerine ýetiriji Wepa Hajyýew tarapyndan geçirilip, ol iňlis diplomatyny wezipä bellenilmegi bilen gutlady we türkmen tarapynyň ilçihananyň işine ýardam hem-de goldaw bermäge taýýardygyny aýtdy.
Taraplar syýasy, diplomatik, söwda, ykdysady, medeni we ynsanperwer ugurlar bilen baglanyşykly köp sanly meseläni ara alyp maslahatlaşdylar diýip, Türkmen Daşary işler ministrliginiň beýanatynda aýdylýar.
Şu ýylyň 6-njy maýynda Türkmenistanyň Prezidentiniň Londonda patyşa Çarlz III- iň täç geýdirişine bagyşlanan dabaralara gatnaşmagy döwletara gatnaşyklarynda möhüm waka boldandygy bellenildi.
«Türkmenistan parlament diplomatiýasyna uly ähmiýet berýär we şu nukdaýnazardan parlamentara gatnaşyklaryny mundan beýläk-de ösdürmäge we pugtalandyrmaga ünsi jemlemek teklip edildi», -diýip Daşary işler ministrliginiň maglumatynda aýdylýar.
Aşgabatdaky ilçihanasynyň ýolbaşçysy wezipesini ýerine ýetiren Lýusiýa Uaýldyň ýerine geçen Stiwen Konlon, Angliýanyň ÝB-däki wekilhanasynda, Ýewropa Parlament toparynyň ýolbaşçysy, Missiýanyň başlygynyň orunbasary, Wilniusdaky ynanylan wekil we konsul hem-de beýleki wezipelerde işledi. MBA diplomyna eýe. Rus dilini bilýär.
ORIENT news
