Aşgabatda "Retro Fm" stilinde konsert geçiriler
Retro stiline mahsus bolan konsert Daňatar Öwezow adyndaky Türkmen döwlet sazçylyk mekdebiniň wokal bölüminiň dürli ýyllardaky uçurymlary tarapyndan berler. Aýdym-saz meýdançasynda 80-nji ýyllaryň türkmen estrada ýyldyzlary - Maýa Omadowa, Ýelena Oreşkina, Töre Şabasanow, Nina Ýarsewa, Aleksandr Ýerhan, Hasar Atamyradow dagylar çykyş ederler.
Olaryň aýdymlary uly meşhurlyk gazanyp, ýurdumyzyň ähli baýramçylyklarynda ýaňlanardy. Häzirki wagtda hem bu kompozisiýalar söýlüp diňlenilýär we olary häzirki zamanyň ýaş ýerine ýetirijileri höwes bilen aýdýarlar. Konsertde türkmen we sowet kompozitorlarynyň meşhur eserleri, şol sanda şol ýyllaryň nusgawy kino filmlerinden aýdymlar ýaňlanar.
Artistler Aşgabat şäheriniň ýaşaýjylaryny we myhmanlaryny 26-njy maýda Maýa Kulyýewa adyndaky Türkmen milli konserwatoriýasynyň uly zalynda geçiriljek “Ýaňlan, aýdym!” atly aýdym-saz agşamyna çagyrýarlar. Konsert 18:30-da başlanýar. Giriş mugt.
ORIENT news
