Türkmenistanyň Garaşsyzlygynyň 32 ýyllygyny bellemek üçin guramaçylyk topary döredildi
Türkmenistanda Garaşsyzlygynyň 32 ýyllyk baýramy mynasybetli geçiriljek döwlet çärelerine gowy taýýarlyk görmek we ýokary derejede geçirmek maksady bilen degişli guramaçylyk topary döredildi. Türkmenistanyň Prezidenti bu barada Karara gol çekdi we onuň düzümini tassyklady.
Resminama bilen, Medeniýet ministrligi degişli ministrlikler, pudaklaýyn dolandyryş edaralary, welaýatlaryň, Aşgabat we Arkadag şäherleriniň häkimlikleri bilen bilelikde Türkmenistanyň Garaşsyzlyk baýramy mynasybetli geçiriljek çäreleriň Meýilnamasynyň taslamasyny taýýarlamaly we Ministrler Kabinetine bermeli.
Türkmenistanyň ähli resmi baýramçylyklaryndan esasysy - Garaşsyzlyk güni 27-nji sentýabrda bellenilýär. Bu gün ýurdumyzyň paýtagtynda harby ýöriş we raýat demonstrasiýasy, uly dabaralar geçirilýär.
ORIENT news
