Türkmenistanyň, Gazagystanyň we Azerbaýjanyň taslamasy MA bilen Ýewropanyň arasynda maglumatlaryň alşylmagyny tizleşdirer
Türkmenistanyň, Gazagystanyň we Azerbaýjanyň «Sanly Ýüpek ýoluny» döretmek boýunça bilelikdäki taslamasy maglumatlaryň Merkezi Aziýa sebitinden Ýewropa berilmeginiň tizleşdirilmegine ýardam edýär.
Bu barada AzerTelekom kompaniýasynyň müdiriýetiniň başlygy Fuad Allahwerdiýew Bakuwda geçen GSMA M360 Eurasia 2023 Halkara maslahatynyň çäklerinde beýan etdi – diýip, Trend habar berýär.
«Bu taslamanyň ýerine ýetirilmegi bize Azerbaýjany sanly haba öwürmäge mümkinçilik berer. Gaýtadan dikeldilýän energiýanyň eksporty bilen bir hatarda biziň ýurdumyz şeýle hem halkara trafiginiň daşalyşyny amala aşyrar» – diýip, Allahwerdiýew beýan etdi.
Taslama Azerbaýjanyň üsti bilen MA döwletleri bilen Ýewropanyň arasynda durnukly internet-trafigini üpjün etmäge gönükdirilendir, bu bolsa sebitde maglumatlar tehnologiýalarynyň we sanly ekoulgamyň ösmegine ýardam eder.
ORIENT habarlar
