Si Szinpin «Türkmenistan-Hytaý» gaz geçirijisiniň 4-nji şahasynyň gurluşygynyň tizleşdirilmegi üçin çykyş etdi
HHR-nyň başlygy Si Szinpin şeýle hem Täjigistanyň we Gyrgyzystanyň çäklerinden çekiljek «Türkmenistan-Hytaý» gaz geçirijisiniň 4-nji şahasynyň gurluşygynyň tizleşdirilmegi üçin çykyş etdi – diýip, «Sinhua» habar berýär.
Sianda geçýän «Merkezi Aziýa-Hytaý» birinji ýüzbe-ýüz sammitiniň çäklerinde sözlän sözünde HHR-nyň baştutany ýurtlaryň arasyndaky energetika hyzmatdaşlygyna aýratyn üns berdi.
Şeýlelikde, başlyk nebitiň we gazyň söwdasynyň artdyrylmagynyň we energetika babatynda tutuş önümçilik zynjyrynda, şol sanda energiýanyň alternatiw çeşmelerinde özara gatnaşygy giňeltmegiň zerurdygyny beýan etdi.
Türkmen gaz geçirijisiniň 4-nji «D» liniýasy diňe Hytaýa meýilleşdirilen ibermeleri bir ýylda 65 mlrd kub metr gaza ýetirmän, eýsem Täjigistanyň we Gyrgyzystanyň gyş döwürleri bu energiýa serişdesine bolan islegini bölekleýin ýapmalydyr.
ORIENT habarlar
