Apple hakykylyk bilen üsti ýetirilen uzak garaşylan garniturany hödürlär
Apple Park ştab-kwartirasynda boljak «ýörite çärede» Apple amerikan korporasiýasy garyşyk hakykylygyň garniturasy üçin xrOS operasion ulgamy we gurluşyň özi bilen tanyşdyrar.
Tanyşdyryş 5-nji iýunda Apple kompaniýasynyň işläp düzüjileriniň (WWDC) Bütindünýä maslahatynyň çäklerinde bolar.
Analitikleriň sözlerine görä, garnitura AR/VR hakykylygy bilen üsti ýetirilen tutuş senagaty höweslendirip biler. Garnitura öňdebaryjy tehnologýalar, şol sanda eli we gözi giňeldip yzarlamak bilen, aşa ýokary durulykdaky displeý we Apple M2 çipi bilen enjamlaşdyrylar. Onuň şeýle hem 12-den gowrak kameralary we datçikleri bolar. Onuň bahasy ABŞ-nyň 3-4 müň dollaryna golaý bolup biler.
«Biz onlaýn-seanslaryň we çäreleriň ajaýyp hepdesine başlamak üçin, Apple Parkda uzak gün dowam etjek ýörite çäre geçireris,
State of Union-yň esasy hasabatyna we şekilli roliklerine seretmek üçin, Apple-iň käbir komandalary bilen tanyşmak, Apple Design Awards-yň sylaglarynyň gowşyrylyş dabarasynda ajaýyp goşundylary baýram etmek we agşamky çärelerden lezzet almak üçun bize goşulyň», — diýip, Apple-iň metbugat gullugy «ýörite çäräni» resmi yglan etmek bilen habar berýär.
Apple kompaniýasynyň işläp düzüjileriniň bütindünýä maslahaty (WWDC) esasan işläp düzüjiler üçin niýetlenendir. Şol bir wagtda Apple iPhone, iPad, Mac we Apple Watch üçin operasion ulgamlaryň täze wersiýalaryny hem hödürleýär.
