Türkmenistan gazy Hytaýa ibermek üçin täze taslamalaryň ýerine ýetirilmegine taýýardygyny beýan etdi
Türkmenistanyň Prezidenti Serdar Berdimuhamedow türkmen tebigy gazynyň Hytaý ugry boýunça ibermegi artdyrmak üçin täze taslamalary ýerine ýetirmegi dowam etdirmek üçin çykyş etdi.
Bu barada döwlet baştutany Hytaýyň Sian şäherinde açylan «Merkezi Aziýa-Hytaý» birinji Sammitinde çykyş etmek bilen nygtady – diýip, TDH habar berýär.
«Türkmen energiýa serişdelerini halkara bazarlaryna ibermegiň diwersifikasiýalaşdyrylmagyna esaslanan Türkmenistanyň energetika syýasatyny göz öňünde tutup, biz türkmen tebigy gazyny Hytaý ugry boýunça ibermek bilen baglanyşykly täze taslamalary ýerine ýetirmek boýunça işleri dowam etdirip bilerdik» — diýip, Türkmenistanyň Prezidenti beýan etdi.
Serdar Berdimuhamedow ýangyç-energetika pudagyny HHR-nyň Merkezi Aziýa ýurtlary bilen hyzmatdaşlygynyň esasy ugurlarynyň biri diýip atlandyrdy.
Bu babatda hyzmatdaşlygyň hakyky we oňyn mysallarynyň biri «Türkmenistan-Hytaý» gaz geçirijisidir we şonuň üsti bilen häzir HHR öz senagatyny ösdürýär we ilatyň tebigy gaza bolan islegini kanagatlandyrýar – diýip, Türkmenistanyň Prezidenti belledi.
ORIENT habarlar
