TDHÇB-daky söwdalaşyklar: ABŞ-nyň $4,6 mln dollaryna deň bolan STG we uçar kerosini eksport edildi
Çarşenbe güni, 17-nji maýda Türkmenistanyň Döwlet haryt-çig mal biržasyndaky söwdalaşyklarda jemi bahasy $4,6 mln amerikan dollaryna deň bolan 3 geleşik baglaşyldy – diýip, ORIENT-iň habarçysy habar berýär.
Owganystanyň işewür toparlarynyň wekili suwuklandyrylan gazyň 1 müň tonnasyny satyn aldy, önümiň her tonnasyna $369,50 amerikan dollaryny hödürledi. Geleşigiň jemi bahasy $369,5 müň amerikan dollaryna deň boldy.
BAE-den we Türkiýeden gelen işewürler ТС-1 uçar kerosininiň 5,5 müň tonnasyny satyn aldylar. Ýangyjyň her tonnasyna $658,25 amerikan dollary baha berildi. Geleşikleriň jemi bahasy $3,6 mln amerikan dollaryndan geçdi.
Söwdalaşyklara goýlan harytlar barada maglumatlar bilen Türkmenistanyň Döwlet haryt we çig mal biržasynyň resmi web saýty arkaly şu ýerden tanşyp bilersiňiz.
Oba hojalygy, senagat we aragatnaşyk bölümlerinde, şeýle hem söwda toplumynda söwdalaşyk duşenbe-anna günleri 16:00-da, şenbe güni sagat 11:30-da başlanýar. Nebit we gaz pudagynda birža söwdasy duşenbe-anna günleri 16:30-da, şenbe güni 12:00-da başlanýar.
Şol bir wagtyň özünde, tmex.gov.tm web sahypasynda, birža harytlaryny gönümel öndürijilerden satmak teklipleri bilen funksional platformanyň üsti bilen habarlaşyp bilersiňiz. Şeýle hem birža harytlarynyň satuwy barada bildirişleri hem çap edip bolýar.
