Türkmenistanyň 2024-nji ýyl üçin Döwlet býujetiniň taslamasy 1-nji noýabra çenli taýýarlanar
Maliýe we ykdysadyýet ministrligi Türkmenistanyň 2024-nji ýyl üçin Döwlet býujetiniň, Türkmenistany durmuş-ykdysady taýdan ösdürmegiň esasy ugurlarynyň we Türkmenistanyň maýa goýum Maksatnamasynyň taslamalaryny 2023-nji ýylyň 1-nji noýabryna çenli Ministrler Kabinetiniň garamagyna hödürlär. Bu barada Karara Prezident Serdar Berdimuhamedow türkmen hökümetiniň şenbe güni geçirilen mejlisinde gol çekdi.
Resminama laýyklykda, Maliýe we ykdysadyýet ministrligi ýokarda görkezilen taslamalary düzmek üçin hasaplama görnüşlerini we usulyýet görkezmelerini ministrliklere, pudaklaýyn dolandyryş edaralaryna, welaýatlaryň, Aşgabat we Arkadag şäherleriniň häkimliklerine 2023-nji ýylyň 1-nji iýunyna çenli ibermäge, şeýle-de bu taslamalary taýýarlamak üçin hünärmenlerden ybarat iş toparyny döretmäge borçly edildi.
ORIENT news
