Aşgabatda kinorežissýor Salyh Baýramowyň «Daragt» filminiň ilkinji görkezilşi geçirildi
«Türkmenfilm» kinostudiýasynyň režissýory Salyh Baýramowyň «Daragt» («Agaç») çeper filminiň ilkinji görkezilşi çarşenbe güni paýtagtyň «Aşgabat» kinoteatrynda geçirildi. Filmiň Beýik yeňiş baýramçylygy günlerinde görkezilmegi ýönelikden daldir. Sebäbi täze melodramada 1941-1945-nji ýyllardaky uruş wakalary hem-de adamsyny urşa ugradan we hatda Beýik Watançylyk urşy gutarandan soňam uzak ýyllar onuň öýüne gaýdyp gelerine garaşýan türkmen zenany Näzigiň ykbaly barada gürrüň berilýär.
Bu, Salyh Baýramowyň Ikinji jahan urşuna bagyşlanan ikinji filmi bolup, ilkinji «Gyzyl Kürte» filmi ýaly hakyky wakalara esaslanýar. Onda hakyky adamlar, ýagny Türkmenistanyň aýallary gahrymanlary keşplendirdi. Awtor öz suratlarynda daşky görnüşi näzik, ýöne ruhy taýdan gaty güýçli ýaş türkmen aýal-gyzlaryň edermenligini görkezýär. Onuň gahrymanlary gaýratly, maksada okgunly we şol bir wagtyň özünde rehimli we wepaly. Olar uruş ýyllarynyň kynçylyklaryny başdan geçirip, ýakynlaryna bolan söýgüsini saklap bildiler.
Baş keşpleri Türkmen Medeniýet institutynyň ýaş artistleri we talyplary Turan Gurbanowa, Aýdogdy Sopyýew, Ýolaman Nurymow, Muhammetguly Kasymow, Oguljahan Kulyýewa, şeýle hem ýurdumyzyň Baş drama teatrynyň baş aktrisasy Şemşat Kasymowa dagylar janlandyrdy. Film düşürmeklik Bähärden we Gökdepe ýaly ajaýyp ýerlerde geçirildi.
ORIENT news
