Gyrgyzystan sarp etme artan halatynda türkmen elektrik energiýasynyň importyny artdyrmaga taýýardyr
Gyrgyzystanyň Milli energiýa holdinginiň müdiriýetiniň baştutany Talaýbek Baýgaziýew sarp etmäniň artan halatynda respublikanyň Türkmenistandan we Russiýadan elektrik energiýasynyň importyny artdyrmaga taýýardygyny beýan etdi – diýip, GDA-nyň Energiýa geňeşi habar berýär.
«Bu ýyl biz importyň hasabyna elektrik energiýanyň ýetmezçiliginiň 2,5 mlrd KWt/sag. ýapmagy meýilleşdirýäris. Galan 14,5 mlrd öz çykarýan energiýamyz bilen gidro elektrik stansiýalaryň we ýyladyş elektrik merkezleriň hasabyna ýaparys. Biz Türkmenistana we Russiýa ilkinji gezek elektrik energiýasyny ibereris. Eger-de sarp ediş artsa, onda importy artdyrmak barada ylalaşarys» - diýip, Baýgaziýew aýtdy.
Geçen ýyl respublikanyň elektrik toguna bolan islegini doly ödäp bilmändigini ýatladýarys. Bu ýyl ony Russiýadan we Gazagystandan satyn almak meýilleşdirilýär. Gyrgyzystana elektrik energiýasyny ibermekde Türkmenistan öňdebaryjy bolup galýar.
Gazanylan ylalaşyklara laýyklykda Gyrgyzystan türkmen elektrik energiýasynyň 1,6 mlrd kWt/sag. import edýär, bu bolsa tutuş importyň 65% deňdir.
ORIENT habarlar
