Google özüniň ilkinji eplenýän Pixel Fold telefony bilen tanyşdyrdy
Kaliforniýada, ABŞ-da işläp düzüjiler üçin her ýylky geçirilýän maslahatda Google korporasiýasy özüniň ilkinji eplenýän Pixel Fold smartfonyny hödürledi. Bu barada kompaniýanyň blogy habar berýär.
Açylan görnüşde ol korporasiýanyň iň inçe smartfonydyr we bazardaky iň inçe eplenýän telefondyr. Google kompaniýasynda bellemeklerine görä, iň ýokary inçelige ýetmek we täze dizaýna gabat gelmek üçin, Pixel-iň köp düzüm bölekleri gaýtadan işlenildi.
Google Tensor G2 prosessorynyň esasynda döredilen gajet 48 megapikselli esasy kamera bilen enjamlaşdyrylandyr. Gurluş şeýle hem hersi 10,8 megapiksele deň bolan iki sany goşmaça kamerany özünde saklaýar, olaryň biri şekili bäş esse golaýlaşdyrýar.
Ýapylan ýagdaýda ekrany 7,6 dýuýma deň bolan gurluş smartfonyň adaty görnüşine eýedir, açyk görnüşde bolsa ol planşete meňzeş bolýar.
Smartfon deslapky sargyt üçin elýeterlidir. Onuň başlangyç bahasy $1799. Gurluş şu ýylyň iýunyndan başlap 12 Gb bolan operatiw ýady we fiziki saklaýjynyň iki warianty bilen —256 we 512 Gb göwrümde çykarylyp başlanar. Akylly gajetiň operasion ulgamy — Android 14.
ORIENT habarlar
