Aziýanyň Agyr atletika federasiýasy türgenlere goldaw bermegi maksat edinýär
Aziýanyň Agyr atletika federasiýasy Hytaýyň ZKC enjam öndürijisi bilen hyzmatdaşlyk ylalaşygyny baglaşdy. Federasiýanyň taryhynda iň uly täjirçilik geleşigi Aziýada agyr atletika medeniýetini üýtgetmek üçin bilelikdäki iş meýilnamasynyň çäklerinde türgenleri goldamak üçin 500 000 dollar hemaýatkärlik goldawyny öz içine alýar.
“Bizde ýurtlary goldamagyň täze strategiýasy bar. Agyr atletika üçin infrastrukturany gowulaşdyrmak isleýäris, bu türgenleri amatly türgenleşik zallary, zerur enjamlar, sauna, hatda türgenleşik merkezinde ulanmak üçin çalşyk eşikler bilen üpjün etmek ýaly ýönekeý zatlary-da aňladyp biler" – diýip, Aziýanyň Agyr atletika federasiýasynyň (AWF) baş sekretary Muhammet Alharbi aýtdy.
Dört ýylyň dowamynda ZKC 105,000 dollarlyk enjam bilen üpjün eder we 20 000 amerikan dollaryny nagt pul görnüşinde bölüp berer. AWF hytaý öndürijisiniň enjamlaryny ähli ýaryşlarynda ulanar.
Goldaw bermek barada karar kabul edilmezden ozal, federasiýa türgenleriň sany we taýýarlyk derejesi, tälimçileriň we okuw merkezleriniň sany, şeýle hem hökümetiň bar bolan ýa-da bolup biljek goldawy barada jikme-jik maglumat bazasyny taýýarlar.
Baş sekretar berilýän goldawyň maksadalaýyk ulanylýandygyna göz ýetirmek üçin ýurtlara baryp görer.
Hytaýyň agyr atletika assosiasiýasy hem Hançžou şäherinde geçiriljek Aziýa oýunlaryna taýýarlyk görmegiň çäklerinde türgenleşik lagerinde Aziýaly türgenlere 40 sany mugt ýer bölüp bermek bilen kömek eder.
ORIENT news
