Türkmen agyr atletikaçysy Aziýanyň çempionaty 2023-de kümüş medal gazandy
Türkmen ştangaçysy Medine Ataýewa Çindžuda (Koreýa Respublikasy) dowam edýän Aziýanyň çempionaty-2023-iň üçünji gününde kümüş medal gazandy.
On ýedi ýaşly agyr atletikaçy 64 kg agram derejesinde çykyş edip, ýaryşyň wise-çempiony boldy. Ştangany götermegiň iki görnüşiniň jemi boýunça Amanowa — 207 kg (90+117) netije görkezdi, birinji ýeri Mongoliýadan Ganzorigiýn Anuujine eýeledi, onuň göteren jemi agramy 211 kg (93+118) deň boldy. Üçünji ýere Eýranyň wekili mynasyp boldy — 194 kg (85+109).
Bir gün ozal türkmen türgeni Bunýad Raşidow 67 kg çenli agram derejesinde silterläp götermekde bürünç medala mynasyp boldy .
5-nji maýda başlanan agyr atletika boýunça çempionat dünýäniň 37 ýurdundan 400-e golaý türgeni ýygnady. Türkmen tarapyna ýaryşda 16 agyr atletikaçynyň (9 erkek we 7 zenan) wekilçilik edýändigini belläp geçmelidiris.
Yklymlaýyn birinjilik Olimpiýa Oýunlary — 2024-iň öňüsyrasynda saýlama ýaryşy bolup, ol 13-nji maýda tamamlanýar.
ORIENT habarlar
