Saudia Group uçar kompaniýasy 2023-nji ýylda hajy amala aşyrýanlar üçin 1,2 mln ýer bölüp berer
Ýakyn Gündogardaky öňdebaryjy uçar topary bolan Saudia Group 2023-nji ýylda hajy amala aşyrýan zyýaratçylar üçin 1,2 mln ýer bölüp bermek meýilnamalarynyň bardygyny mälim etdi.
Saudia Group kompaniýasynyň düzümine girýän Saudi Airlines, Flyadeal we Saudi Private Aviation bütin dünýäden haja gidýänlere hyzmat etmek bilen, olary Patyşalygyň Jidda, Er-Riýad, Dammam, Medine, Taif we Ýanbu ýaly şäherleriniň alty sany howa menziline elterler.
Toplumlaýyn meýilnama 164 uçardan ybarat häzirki parky we oňa goşmaça 12 uçary ulanmaklygy öz içine alýar.
«Biziň toplan uly tejriämiz, başarnykly işgärlerimiz we päsgelçiliksiz uçuşlary kepillendirýän iň kämil tehniki hyzmatlary hödürlemäge ymtylyşlarymyz bilen, Saudia Group hajyň täze meýilnamasyny ýerine ýetirmäge taýýardyr» - diýip, Saudia Group kompaniýasynyň haj we umra boýunça bäş hünärmeni Amer Alhuşaýl aýtdyhem-de kompaniýanyň meýilnamasynyň şazada Abdulaziz bin Saud Naif bin Abdulaziz tarapyndan baştutanlyk edilýän haj boýunça Ýokary komitetiň görkezmelerine gabat gelýändigini we munuň Saud Arabystanyň Haj we umra ministrligi tarapyndan işlenip düzülendigini sözüniň üstüne goşdy.
