15 müň türkmen talyby Türkiýäniň ýokary okuw mekdeplerinde okaýarlar
Türkmenistanyň raýatlarynyň 15 müňden gowragy Türkiýäniň ýokary okuw mekdeplerinde okaýarlar. Bu barada daşary ýurtlardaky we Arkadaş jemgyýetlerdäki watandaşlaryň işi boýunça müdirligiň baştutany Saýit Ýusuf beýan etdi – diýip, Atavatan Türkmenistan žurnalynyň saýty habar berýär.
Ol şeýle hem Türkiýäniň türkmen raýatlary üçin stipendiýa maksatnamalaryny 2,5 esse artdyrmak, bu sany häzir 60 bolanlygyndan 150-ä ýetirmek baradaky niýetini tassyklady.
Häzirki wagtda maksatnamanyň çäklerinde okuwa girmek üçin 500 türkmen dalaşgäri söhbetdeşligi geçýär. Güýzde Türkmenistanyň raýatlarynyň Türkiýäniň stipendiýaly maksatnamalar barada habardarlygyny ýokarlandyrmak boýunça birnäçe çäreleriň gurnalmagy meýilleşdirilýär.
Maksatnama uçuşlaryň bahasyny, türk dilini öwrenmek okuwynyň tölegini, ýokary okuw mekdebinde okamagyň we ýaşamagyň doly möhletini, lukmançylyk ätiýaçlandyrmasyny we beýleki çykdajylary doly öz içine alýar.
Häzir maksatnama dünýäniň 170 ýurdundan 16 müň raýat gatnaşýar.
ORIENT habarlar
