Türkmenistanyň jemgyýetçilik guramalary galyndylary dolandyrmakda daşary ýurt tejribesini özleşdirýärler
Jemgyýetçilik guramalarynyň we BMGÖM-nyň Türkmenistandaky wekilleri ABŞ-da galyndylary dolandyrmak babatynda okuw maksatnamasyna gatnaşdylar.
Maksatnama ABŞ-nyň Söwda ministrliginiň işewür tejribeliginiň SABIT Ýörite amerikan maksatnamasynyň çäklerinde badalga berildi. Ol Ýewraziýadan bolan hünärmenleriň galyndylary dolandyrmak babatynda hünärini ýokarlandyrmagyny göz öňünde tutýar.
Türkmenistandan, Azerbaýjandan, Gazagystandan, Gyrgyzystandan, Gruziýadan, Moldowadan we Ukrainadan wekiller ABŞ-daky dolandyrmagyň hereket edýän ulgamy bilen tanyşdylar — zibilleri gaýtadan işleýän toplumlara, görnüşlere bölýän stansiýalara, şeýle hem galyndylary gaýtadan işleýän nokatlara baryp gördüler. Maksatnamanyň nazaryýet bölegi galyndylary dolandyrmak babatynda hukuk-kadalaşdyryş düzgünleri, kanunçylyk, ölçegler, sertifikatlaşdyrmak ýaly temalardan sapaklara bagyşlandy.
Saparyň çäklerinde «WasteExpo 2023» sergisine gatnaşdylar, ol 1-nji maýdan 4-nji maýa çenli Nýu-Orlean şäherinde, Luiziana ştatynda geçdi.
SABIT maksatnamasy boýunça Ýewraziýadan we beýleki sebitlerden 7000-e golaý ýolbaşçylaryň we ylmy işgärleriň taýýarlygy üstünlikli geçendigini bellemelidiris.
ORIENT habarlar
