Türkmen türgenleri kuraş boýunça Aziýanyň çempionatynda sekiz medal gazandylar
Türkmen türgenleri Hançžouda (Hytaý) geçen kuraş boýunça Aziýanyň çempionatynda sekiz medal – bir kümüş we ýedi bürünç medal gazandylar. Bu barada ORIENT-e Türkmenistanyň Bedenterbiýe we sport baradaky döwlet komitetinde habar berdiler.
Türkmen türgeni Aýşirin Geýdarowa 48 kg agram derejesinde kümüş medala mynasyp boldy.
Şamuhammet Gurbanow (60 kg çenli), Şatlyk Jumanyýazow (73 kg çenli), Işanmyrat Ataýew (90 kg çenli), Şatlyk Töräýew (100 kg çenli) we Tejen Tejenow (100 kg çenli) sylaglanyş münberiniň üçünji basgançagyna galdylar.
Zenanlaryň arasynda: Aýnur Amanowa (52 kg çenli) we Jahan Muhammedowa (87 kg çenli) bürünç medallaryň eýeleri boldular.
Hytaýda geçen Aziýanyň çempionaty ýigrimi ýurtdan ýüze golaý türgeni ýygnady. Ýaryş Hançžou-2023 Aziýa oýunlarynyň öň ýanynda synag ýaryşy hökmünde geçirildi.
ORIENT habarlar
