Türkmen ylmy ýurduň ulag infrastrukturasynyň "hyzmatynda"
Häzirki zaman durmuş-ykdysady giňişligini innowasiýa tehnologiýalary bolmazdan göz öňüne getirmek mümkin däl, munuň netijesinde ýurduň durnukly ösüşiniň täze milli modeli emele gelýär. Ýurdumyzda iň uly ylmy, tehniki we intellektual gorlara eýe bolan Türkmenistanyň Ylymlar akademiýasynyň Tehnologiýalar merkezi Türkmenistanda täze pikirleri durmuşa geçiriji bolup durýar – diýip, Tehnologiýalar merkeziň direktory, himiýa ylymlarynyň doktory Durdymyrat Gadamow Aşgabatdaky ITTC - 2023 ulag maslahatynda eden çykyşynda aýtdy.
Tehnologiýalar merkezinde geografiki maglumat ulgamlary (GMU) barlaghanasy hereket edýär, onuň hünärmenleri uzak aralykdan maglumatlary kesgitlemek, dürli tematiki we interaktiw kartalary döretmek boýunça işleri alyp barýarlar. Häzirki wagtda GMU ulag pudagyndaky toplumlaýyn meseleleri çözmek üçin amatly platforma bolup durýar. Ulag ulgamlarynyň çäk paýlanyşygy infrastrukturany dolandyrmak, nawigasiýa ulgamyny ornaşdyrmak we hasaplaýyş meseleleri alyp barmak üçin GMU tehnologiýalary arkaly olary naýbaşy awtomatlaşdyryş desgasyna öwürýär.
Şeýle hem, geografiki maglumat ulgamlary howa ulaglarynyň ýerüsti we howa segmentlerini dolandyrmakda, demir ýol logistikasynda, çäklere paýlanan awtoulag ulgamlary we deňiz we derýa nawigasiýasyny ösdürmek üçin toplumlaýyn meseleleri çözmekde gymmatly gural bolup durýar – diýip, türkmen alymy belledi.
Häzirki wagtda häzirki zaman GMU tehnologiýalary maglumatlary hakyky wagtda ýygnamaga, gaýtadan işlemäge we hödürlemäge, ýoluň ýagdaýyny kartada görkezmäge, ähli geçelgeleriň statistiki maglumatlaryny ulanmaga, zerur ýerleri awtomatiki kesgitlemäge we bellemäge mümkinçilik berýän gözegçilik ulgamlaryny döredýär. Bu bolsa dessine çözgüt kabul etmäge we adatdan daşary ýagdaýlary ýeňip geçmäge mümkinçilik berýär.
ORIENT news
