Türkiýe ýurduň günorta-gündogarynda ýokary hilli nebitiň gorlaryny ýüze çykardy
Türkiýede ýurduň günorta-gündogarynda Şirnak welaýatynyň Judi we Gabar etraplarynda nebitiň täze gorlaryny ýüze çykardylar – diýip, «Anadolu» agentligi habar berýär.
Bu barada prezident Rejep Taýyp Ärdogan Ýewropada iň uly gün elektrik stansiýasy bolan «Karapynaryň» açylyş dabarasynda we Merkezi welaýat Konýada desgalaryň işe girizilmegi mynasybetli guralan çärede habar berdi.
Täze nebit ýatagynyň önümçilik kuwwatlygy her gije-gündizde 100 müň barrel diýlip baha berilýär. Prezidentiň sözlerine görä, 2600 metr çuňlukda ýüze çykarylan nebit 100 guýynyň kömegi bilen gazylyp alnar.
«Nebitiň gorlary biziň her günde sarp edýänimiziň ondan bir bölegini kanagatlandyryp biler» — diýip, Ärdogan belledi, nebitiň düzüminiň ýokary hillidigini sözüniň üstüne goşdy.
Gabaredäki nebit guýusy ýaş saz mugallymy Aýbüke Ýalçiniň hormatyna atlandyrylar.
ORIENT habarlar
