ABŞ-da daşary ýurtlylar üçin COVID-19 hökmany sanjymy ýatyrylýar

Maý 02, 2023 | 12:27 |6662

12-nji maýdan başlap ABŞ ýurda gelýän daşary ýurtlylar, şeýle hem federal gullukçylar we kärendeçiler üçin COVID-19 hökmany sanjymyny ýatyrýarlar – diýlip, duşenbe güni ýaýradylan Ak tamyň beýanatynda aýdylýar.

Resminama laýyklykda hut şol gün hem ýurtda COVID-19 bilen baglanyşykly jemgyýetçilik saglygy goraýyşy babatyndaky adatdan daşary ýagdaý tamamlanýar.

ABŞ-nyň Saglygy goraýyş we durmuş hyzmatlar ministrligi we Içerki howpsuzlyk ministrligi tarapyndan mekdebe çenli bilim edaralarynyň mugallymlary, saglyk edaralarynyň işgärleri üçin sanjym talaplaryny ýatyrmak boýunça işe badalga berler.

Ýakyn günlerde Ak tam tarapyndan bu talaplaryň ýatyrylmagy bilen baglanyşykly goşmaça jikme-jiklikleri beýan ediler.

ORIENT habarlar