Türkmenistanyň Döwlet daşary ykdysady iş banky Sanly bank platformasyny ornaşdyrýar
Türkmenistanyň Döwlet daşary ykdysady iş banky Sanly bank platformasyny ornaşdyrýar. Bu meselede bar bolan öňe gidişlikler hakda, şeýle hem taslamanyň integrasion esasynyň taýýarlygy baradaky hasabat halkara IT-geňeşçisi Tim Torsteniň Türkmenistana saparynyň barşynda hödürlenildi.
Sapar bank işinde işewürligi alyp barmak we sanly özgertmelere goldaw bermek boýunça Türkmenistanyň Döwlet daşary ykdysady iş bankynyň BMGÖM-sy bilen bilelikde ýerine ýetirýän taslamasynyň çäklerinde gurnaldy.
Sanly bank platformasy bank işini awtomatlaşdyrmak üçin programma önümi bolup, ol müşderiler bilen özara gatnaşygyň sanly kanallaryny ösdürmek üçin çeýe çözgütdir, bu bolsa banklara we maliýe guramalaryna täze serwisleri we hyzmatlary tizräk döretmäge we olara badalga bermäge, şeýlelik bilen däp bolup gelýän hyzmat edişi özgertmäge mümkinçilik berýär.
ORIENT habarlar
