OPEK+ guramasyna agza ýurtlaryň bir bölegi nebiti çykarmagy kemeldip başlady
Maý aýyndan başlap OPEK+ ylalaşygyna agza ýurtlaryň, şol sanda iri nebit öndüriji — Saud Arabystany — nebiti çykarmagy meýletin kemeldip başladylar – diýip, TASS habar berýär.
2023-nji ýylyň ahyryna çenli dowam etjek gara altynyň önümçiliginiň peselmeginiň umumy möçberi her gije-gündizde 1,66 mln barrele deň bolar.
Bu karar 30-njy aprelde bolan guramanyň ministrler derejesindäki duşuşygyna bir gün galanda 9 ýurt tarapyndan kabul edildi. Ol nebit bazarynyň durnuklylygyny saklamaga gönükdirilendir.
Şeýle hem nebiti çykarmak boýunça goşmaça çäklendiriji çäreler barada yglan eden ýurtlaryň arasynda: Yrak — her gije-gündizde 211 müň barrel, BAE — her gije-gündizde 144 müň barrel, Kuweýt — her gije-gündizde 128 müň barrel, Gazagystan — her gije-gündizde 78 müň barrel, Alžir — her gije-gündizde 48 müň barrel, Oman — her gije-gündizde 40 müň barrel, Gabon — her gije-gündizde 8 müň barrel bar.
ORIENT habarlar
