Türkiýäniň ilçihanasynda Türkmenistan bilen Türkiýäniň arasyndaky diplomatik gatnaşyklaryň 31 ýyllygyny belläp geçdiler
Türkiýäniň Aşgabatdaky ilçihanasynda Türkmenistan bilen Türkiýäniň arasynda diplomatik gatnaşyklaryň ýola goýulmagynyň 31 ýyllygyna bagyşlanan çäre geçirildi.
Çäräniň çäklerinde ýygnananlara ilçihananyň täze tugrasyny görkezdiler. «Tugra tutuş taryhy[ dowamynda döräp geçen 16 sany garaşsyz türk döwletlerini aňladýan 16 sany ýyldyz bilen bezelendir. Biziň nyşanymyz bütin dünýä boýunça ýaýran beýleki türk ilçihanalarynyňka meňzeş, ýöne bu ýerde ol başga mana eýe bolýar. Sebäbi bu ýyldyzlaryň köpüsi biziň Türkmenistan bilen umymy taryhymyzyň müň ýylyny alamatlandyrýar» - diýip, Türkiýäniň Türkmenistandaky ilçisi Togan Oral belledi.
Mundan başga-da, ilçi ýygnananlaryň öňünde eden çykyşynda ilçihana döredilen wagtyndan bäri Türkiýäniň we Türkmenistanyň doganlyk halklarynyň taryhy, medeni, dil, dini we garyndaşlyk arabaglanyşyklaryna esaslanýan görelde alarlyk gatnaşyklary bilen tapawutlanýandygyny belledi.
Çäräniň barşynda şeýle hem Türkiýäniň diplomatik gullugynyň 500 ýyllygyna we Aşgabatda ilçihananyň açylmagynyň 31 ýyllygyna bagyşlanan fotosergi açyldy.
1992-nji ýylyň 2-nji maýynda türkmen paýtagtynda açylan Türkiýäniň ilçihanasy garaşsyz Türkmenistandaky ilkinji ilçihanadyr.
ORIENT habarlar
