Hytaý Türkmenistanyň raýatlary üçin ýurda giriş düzgünlerini ýönekeýleşdirdi
29-njy aprelden başlap Türkmenistandan Hytaýa barýan ýolagçylara COVID-19 PSR-testiniň ýerine antigenlere test tabşyrmaga rugsat edildi. Bu barada HHR-nyň ilçihanasynyň resmi saýtynda habar berilýär.
Munuň epidemiki ýagdaýyň üýtgemegi bilen we ýolagçylaryň rahatlygy üçin edilýändigi bellenýär.
Şeýlelikde, 29-njy aprelden başlap ýolagçy uçara münmegine 48 sagat galanda testden geçmeli, ondan soňra mobil goşundy arkaly ýa-da hytaý gümrükhanasynyň saýty arkaly testiň netijelerini ýüklemeli.
«Tersin netije alnandan soňra «Hytaýa gireniňde/çykanyňda saglyk ýagdaýy hakyndaky deklarasiýanyň kartasyny» doldurmaly we ony WeChat Customs Pocket Declaration kiçi-programmanyň üsti bilen, China Customs mobil goşundysy arkaly ýa-da chinaport.gov.cn saýtynda deklarirlemeli» - diýlip, habarda aýdylýar.
PSR-test ýa-da COVID-19 antigenleriň testi— bu ýokanjy barlamagyň iki dürli usulydyr.
PSR-testiň anyklygy ýokarydyr (100% golaý), ýöne ol ýörite enjamlary we ýokary derejeli hünärmenleri talap edýär, şeýle hem uzak wagt alýar (12 sagatdan bäş güne çenli).
Öz gezeginde, antigenleriň testi ol diýen anyk däldir (58%-den 72% çenli), ýöne tizliginde artykmaçlyga eýedir (5 minutdan 30 minuda çenli), ol laborotoriýasyz geçirilip bilinýär we bahasy arzandyr.
ORIENT habarlar
