Gyrgyzystanyň DIM-niň baştutany MA-da ulag mümkinçiliklerini ýokarlandyrmaga çagyrdy
Gyrgyzystanyň daşary işler ministri Jeenbek Kulubaýew sebitiň ulag infrastrukturasyny gowylandyrmak üçin tagallalary işjeňleşdirmäge çagyrdy – diýip, respublikanyň daşary syýasat edarasynyň metbugat gullugy habar berýär.
Bu barada ministr «Hytaý — Merkezi Aziýa» formatynda geçen DIM-niň baştutanlarynyň duşuşygynda beýan etdi.
Kulubaýewiň aýtmagyna görä, Merkezi Aziýa ýurtlarynyň geografiki ýerleşişi Gündogar Aziýanyň, Ýakyn Gündogaryň we Ýewropanyň arasynda ýük daşamak we söwda etmek üçin möhüm gury ýer üstaşyr zolagy bolmaga mümkinçilik berýär. Bu ulag-logistiki integrasiýanyň derejesini ýokarlandyrmak zerurlygyny, sebitde täze ulag düzünlerini we geçelgeleri döretmegi ýüze çykarýar.
Şunuň bilen baglylykda, Hytaý-Gyrgyzstan-Özbegistan demir ýolunynyň gurluşygynň depginlerini tizleşdirmegiň möhümdigini belledi, ol demir ýol diňe bir taslama gatnaşyjylar üçin däl-de, eýsem tutuş sebit üçin möhüm ähmiýete eýedir. Gyrgyzystanyň DIM-niň baştutanynyň pikirine görä, sebitiň ykdysady mümkinçiligi ony dünýä söwdasynyň möhüm merkezleriniň birine öwürmek üçin ähli mümkinçiliklere eýedir.
ORIENT habarlar
