Karbamid önümçiligi tebigy gazy monetizasiýa etmegiň iň netijeli ugurlarynyň biridir
Uly möçberdäki karbamid önümçiligi Türkmenistana tebigy gazyň monetizasiýasyndan (bir zady pula öwürmek) has köp ykdysady peýdany almaga mümkinçilik berer - diýip, “Stamicarbon” kompaniýasynyň dolandyryjysy Sergeý Abramow aýdýar.
Ol Dubaýda geçirilýän Türkmenistanyň nebitgaz maýa goýum forumynda maýa çykdajylary, atmosfera zyňyndylary azaldylan we howpsuzlygy, energiýa netijeliligi ýokarlandyrylan karbamid önümçiliginiň täze tehnologiýalaryny hödürledi.
Şereketiň iş tejribesinde kuwwatlylygy bir gije-gündiziň dowamynda 6 müň tonna deň bolan mega-zawodlar üçin çözgütler bar. Häzirki wagtda bu karbamid önümçiligi üçin iň ýokary kuwwatlylykdyr. Abramowyň pikiriçe, hut şeýle uly göwrümli taslamalar Türkmenistan üçin uglewodorod monetizasiýasynyň geljegi uly ugurlaryndan biridir.
Abramow “Stamicarbon” kompaniýasynyň dünýäniň köp ýurtlarynda üstünlikli durmuşa geçirilýän we işleýän innowasiýalarynyň ekologik jähtlerine aýratyn ünsi çekdi.
― Azot dökünlerini öndürmek üçin esasy çig mal bolan tebigy gazy monetizasiýa etmegiň iň netijeli usullaryndan biri karbamid önümçiligidir. Ýöne, mundan başga-da, karbomid, dökün hökmünde, dünýäniň barha artýan ilatyny azyk bilen üpjün etmek ýaly asylly meselede hem wajyp orun eýeleýär. Bu ýagdaýda karbamid iň möhüm wezipeleriň birini ýerine ýetirýär, sebäbi topragyň hasyllylygyny ýokarlandyrmaga we oba hojalyk ekinleriniň hasyllylygyny artdyrmaga mümkinçilik berýär, diýmek, zemin üçin üçin has köp iýmit öndürmekde uly ähmiýete eýe, - diýip, Sergeý Abramow sözüni jemledi.
ORIENT news
