Türkmen wekiliýeti Gaagada ÝB-niň agentlikleriniň işi bilen tanyşdy
Türkmenistanyň hukuk goraýjy edaralarynyň wekilleri sebitiň ýurtlaryndan beýleki wekiliýetler bilen bir hatarda ÝB-niň Gaagadaky, Niderlandlara degişli agentliklerine we edaralaryna tanyşdyrylyş saparyna gatnaşdylar. Bu barada Ýewropa Birleşiginiň wekilhanasynyň Instagramdaky sahypasynda habar berilýär.
Wekiliýet Ýewropolyň – Ýewropa birleşiginiň polisiýa gullugynyň Terrorçylyga garşy göreşmek merkezine baryp gördi, ol ýerde merkeziň dessin mümkinçilikleri bilen tanyşdy. Ýewropolyň wezipeli adamlary gatnaşyjylary şeýle hem terrorçylyk babatynda ýagdaýlar we meýiller hakynda kadaly hasabatyň (TE-SAT) taýýarlanyş usulyýeti bilen tanyşdyrdylar.
Okuw saparyna gatnaşyjylar Ýewropa birleşiginiň kazyýet edaralary bilen iş salyşýan agentliginiň (Ýewroýust) işjeňligi barada habardar edildiler, ol agentlik jenaýat işleri boýunça ikitaraplaýyn hukuk kömegine goldaw berýär.
Gaaga amala aşyrylan sapar Halkara terrorçylyga garşy göreşmek merkezine (ICCT) baryp börmek bilen tamamlandy. Wekiliýet şeýle hem Niderlandlaryň Daşary işler ministrliginiň we Adalat ministrliginiň wekilleri bilen duşuşyklary geçirdi.
Okuw sapary Ýewropa Birleşigi tarapyndan maliýeleşdirilýän LEICA taslamasynyň çäklerinde guraldy. Onuň işjeňligi hem milli derejede, şeýle hem sebit derejesinde howpsuzlygy ýokarlandyrmak üçin Merkezi Aziýanyň hukuk goraýjy edaralarynyň mümkinçiligini ösdürmäge gönükdirilendir.
ORIENT habarlar
