Türkmenistanda Ýewropanyň immunizasiýa hepdeliginiň çäklerinde çäreler geçirilýär
Ýewropanyň immunizasiýa hepdeligine — keselleriň öňüni almak boýunça immunizasiýanyň möhümdigi barada jemgyýetçiligiň habardarlygyny ýokarlandyrmak maksady bilen, apreliň soňky hepdesinde geçirilýän her ýylky çärä badalga berildi.
2023-nji ýylyň Ýewropa immunizasiýasy hepdeliginiň temasy — «Sanjymlar işleýär» we «Sanjym almak – bu diňe bir hukuk däldir, eýsem kollektiwleýin howpsuzlykdyr!». Bu ýyl aýratyndyr, sebäbi BSGG-sy «Saglyk hemmeler üçin» şygary astynda özüniň 75 ýyllygyny belleýär.
Türkmenistan hem bütindünýä kompaniýasyna goşulýar. Şeýlelikde, hepdäniň dowamynda BSGG-nyň Türkmenistandaky ýurt edarsy BMG-niň Agentlikleri we Türkmenistanyň Saglygy goraýyş we derman senagaty ministrligi bilen bilelikde öz wagtynda meýilnamalaýyn sanjymlaryň möhümdigini nygtap, dürli çäreleri geçirerler.
«Türkmenistan sanjymlary etmekde ep-esli ösüş gazandy – BSGG-nyň maslahat berişi ýaly, sanjym 95%-den gowrak, bu bolsa immunizasiýanyň görkezijilerini ýokarlandyrmak ýolunda möhüm şaha bolup durýar.
Türkmenistanyň hökümeti, BMG-niň agentlikleri we ÝB-i bilen bile işlemek arkaly, biz Türkmenistanda ilatyň saglygyny gowulandyrmakda we goramakda uly öňe gidişlik gazandyk, belli bir derejede bu sanjymlaryň netijeliligi sebäpli boldy» - diýip, Hepdelige badalga berilmegi mynasybetli özüniň ýüzlenmesinde BSGG-nyň Türkmenistandaky wekili Ýegor Zaýsew belledi.
Ol 2016-njy ýylda sanjymlaryň senenamasyna adamyň papilloma wirusyna garşy sanjymyň we 2019-njy ýylda pnewmokokk we rotawirus sanjymynyň girizilmegini aýratyn belläp geçdi. Şunuň bilen baglylykda, Ýegor Zaýsew netijeli hyzmatdaşlygyň çagalary we ululary ýaşaýyş üçin howply kesellerden goramaga kömek edip biljekdigine ynam bildirdi.
Immunizasiýa jemgyýetçilik saglygy goraýyşyň iň netijeli çäreleriniň biridir.
Ynha eýýäm iki ýüz ýyldan gowrak wagt bäri immunizasiýa — mama keseline garşy iň ilkinji sanjymdan başlap, COVID-19 keseliniň agyr halatlarynyň öňüni almak üçin ulanylýan iň täze мРНК-sanjymlaryna çenli adamzada dünýäni has howpsuz etmäge kömek edýär.
ORIENT habarlar
