Russiýa Federasiýasynyň Daşary işler ministrligi "Hazar – dostluk deňzi" motoýörişine ýokary baha berdi
"Russiýa Federasiýasynyň Daşary işler ministrligi sebit gatnaşyklaryny has-da pugtalandyrmaga we umuman halkara hyzmatdaşlygyny ösdürmäge gönükdirilip, geçirilen motosikl ýörişine ýokary baha berýär" – diýip, daşary syýasat edarasynyň saýtynda şenbe güni KHBS üçin ýerleşdirilen habarda bellenýär.
Aprel aýynyň başynda Astrahan sebitiniň gubernatory Igor Babuşkiniň başlangyjy bilen geçirilen “Hazar – dostluk deňzi” atly motoýaryşyň hazarýaka döwletleri birleşdirýän dostlukly goňşuçylyk gatnaşyklaryň mizemezdigini görkezdi, - diýlip, habarda bellenýär.
Uzynlygy 5 müň kilometre barabar bolan motoýöriş Hazaryň ähli döwletleriniň - Russiýanyň, Gazagystanyň, Türkmenistanyň, Eýranyň we Azerbaýjanyň çäginden geçdi. Oňa Astrahan sebitiniň motohereket agzalary gatnaşdylar. Motosikl sürüjileriniň kerwenine gubernator Igor Babuşkiniň hut özi ýolbaşçylyk etdi.
Motosikl ýaryşynyň çäginde Russiýanyň bu sebitiniň ýolbaşçysynyň hazarýaka döwletleriň resmileri, hususan-da Türkmenistanyň Prezidenti, Azerbaýjanyň premýer-ministri, Gazagystan we Eýran sebitleriniň ýolbaşçylary bilen duşuşyklary we gepleşiklery geçirildi. Ylalaşyklar gazanyldy we özara peýdaly hyzmatdaşlygy ösdürmäge gönükdirilen birnäçe resminama gol çekildi.
Bu özboluşly halkara taslama köpçülik we syýasy taýdan ýokary baha berildi, şeýle hem Hazar sebitiniň ähli ýurtlarynda köpçülikleýin habar beriş serişdelerinde giňişleýin ýaýbaňlandyryldy.
Ministrlikde: "Ýörişiň netijeleri Hazaryň dostluk we hoşniýetli goňşuçylyk gatnaşyklar sebiti bolandygyny we bolmagyny dowam edýändigini görkezýän nobatdaky subutnama boldy" - diýdi.
ORIENT news
