Stambuldaky Mawy metjit myhmanlar üçin täzeden açyldy
Stambulyň “Mawy metjit” diýlip tanalýan Soltanahmet metjidi bäş ýyllyk dikeldiş işlerinden soň myhmanlary we ybadat edýänleri kabul edip başlady. Anna güni Türkiýäniň Prezidenti Rejep Taýyp Erdoganyň gatnaşmagynda metjidiň açylyş dabarasy geçirildi. Şol günüň özünde, uzak wagtlyk arakesmeden soň, bu ýerde ilkinji ybadatlar edildi – diýip, TRT kanaly habar berýär.
Dikeldiş işgärleri XVII asyrda gurlan üç minarany söküp, täzeden gurdular. Elektrik geçirijileri doly çalyşdylar, daşlary arassalap, reňkli aýnalary gaýtadan birlaý elden geçirdiler. Bilermenler binanyň seýsmiki durnuklylygyna-da baha berdiler.
Mawy metjit Osman şalygy möwritiniň 1609-1616-njy ýyllar aralygynda Soltan Ahmet I-iň hökümdarlyk eden döwründe gurlan taryhy ýadygärlikidir. Gurluşygyň içki diwarlary el bilen boýalan mawy plitalar bilen bezelendir. Gijelerine çyralar bäş esasy we sekiz sany uly bolmadyk gümmezi we alty minaranyny jähekläp, yşyk saçanda, metjit owadan gök yşyga dolýar.
1985-nji ýylda Mawy metjit ÝUNESKO-nyň Bütindünýä mirasynyň sanawyna girizildi.
ORIENT news
