Putiniň teklibi boýunça "pioner" adalgasy Russiýadaky ýaşlar hereketiniň ady bolup biler
Russiýanyň Prezidenti Wladimir Putin wise-premýer Tatýana Golikowa bilen söhbetdeşlikde "Ilkinjileriň hereketi" ýaşlar hereketine degişlilikde "pionerler" adalgasyny ulanmak meselesine garamagy teklip etdi. Wise-premýer bu teklibi ýaşlar bilen ara alyp maslahatlaşmagy wada berdi -diýip, TASS habar berýär.
Çagalaryň tomusky dynç alyş möwsümine taýýarlygyň gidişi barada Prezidente beren hasabatynda Golikowa "Birinjileriň hereketi" atly ýaşlar hereketini agzap geçdi. Putin: “Birinjiler –näme ol? Pioner diýmek dälmi? Bu adalganyň, ýaşlaryň kommunistik bileleşigi manyny berýän komsomol sözünden tapawutlylykda, hiç hili ideologiki manysy ýok. Şu barada pikirlenip görüň, haýyş edýärin" - diýdi.
Russiýanyň "Birinjileriň hereketi" çagalar we ýaşlar hereketiniň 2022-nji ýylda döredilendigini ýatlatmak isleýäris. Bu sowet pioner guramasynyň häzirki zaman analogy. Hereketiň adyny saýlanlarynda “Täze nesil”, “Gagarin adyndaky hereket”, “Ýaşlyk”, “Watançylar”, “Uly üýtgeşiklik” we “Pionerler” ýaly atlara garalypdy.
ORIENT news
