Fransuz parfýumeri Aýyň ysyny döretmegi başardy
Meşhur fransuz parfýumeri we ylmy geňeşçi Maýkl Moiseýew öz barlaghanasynda Aýyň ysyny döretdi. Aý ysyny döretmäge ony 1969-njy ýylda Aýyň üstüne aýak basan Nil Armstrongdan soň ikinji adam, “Apollon-11” missiýasyna gatnaşan kosmonawt Bazz Oldriniň Aý barada beren gürrüňleri höweslendirdi – diýip, Nature žurnaly habar berýär.
Kosmonawtyň suratlandyryşyna görä, ol Aý modulynda başyndan tuwulgasyny aýyrandan soň "ýiti metal ysy, atylan ok därisiniň ýa-da ýarylan petardanyň ysyna meňzeş" ys burnuna urupdyr. Aý tozanynyň ysyny bolsa kosmonawt "ojakda ýakylan kömüriň azajyk suw sepilip öçürilen ýagdaýy ýa-da külüniň ysy" diýip häsiýetlendirdi.
Şeýle-de bolsa, ýer togalagynyň ýaşaýjylary, şol sanda atyr täzelikleriniň muşdaklary-da "janlanan" Aý ysyny diňläp ýa-da satyn alyp bilmezler - awtor bu atyry Fransiýanyň Tuluza şäherindäki Kosmos muzeýindäki sergi üçin ýörite döretdi. Aýyň ysyny almak isleýän her bir adam Tuluza muzeýine gelip biler.
ORIENT news
