Penşenbe güni Türkmenistanyň we Ysraýylyň daşary işler ministrleri Raşid Meredow we Eli Koen Ysraýylyň Aşgabatdaky ilçihanasyny açdylar.
Dabara daşary ýurt diplomatik wekilhanalarynyň we habar beriş serişdeleriniň wekilleri hem gatnaşdy.
Türkmenistanyň we Ysraýylyň daşary işler ministrlikleriniň ýolbaşçylary nyşan bolan bagy kesip, ýygnananlaryň öňünde çykyş etdiler.
– Hemişelik ofisimiziň açylmagy bilen ýakyn gatnaşyklarymyzyň täze döwrüni maksat edinýäris, - diýip Eli Koen aýtdy. – Meniň Türkmenistana saparym, ýurtlarymyzyň arasyndaky dostlukly gatnaşyklary ösdürmäge we oba hojalygy, suw dolandyryşy, ykdysadyýet, energetika, serhet goragy, sebit howpsuzlygy, kiber tehnologiýalary, bilim we beýleki ugurlarda hyzmatdaşlygy çuňlaşdyrmaga gönükdirilendir.
Ministr, ýubileýi geljek hepde bellenilje, garaşsyzlygynyň 75 ýyllynda Ysraýylyň çeşmeleri çäkli bolan kiçijik ýurtdan häzirki ýagdaýdaky döwlete çenli uzak ýol geçendigini aýtdy.
– «Dialog parahatçylygyň kepili» – Türkmenistanyň daşary syýasatynda esasy ýörelge bolup durýar we şol bir wagtyň özünde Ysraýyl pelsepesiniň gymmatlyklaryndan biridir, - diýip Koen belledi.
Raşid Meredow Ysraýyl döwletiniň Türkmenistanda ilçihanasynyň açylmagyny taryhy waka diýip atlandyrdy we ýygnananlara şu gün Daşary işler ministrliginde ministr Eli Koen bilen geçirilen gepleşikler barada gürrüň berdi.
– Öz gezegimizde, syýasy we diplomatik hyzmatdaşlygy ýokarlandyrmagyň, ykdysady, medeniýetara, bilim we ylmy gatnaşyklary ösdürmegiň zerurdygyny aýratyn belledik. Ýakyn wagtda bu teklipleri durmuşa geçirmek üçin ähli tagallalary ederis, - diýip Meredow nygtady.
Koen, çarşenbe güni 19-njy aprelde Türkmenistana geldi. Şu gün ol Prezidentimiz Serdar Berdimuhamedow bilen duşuşdy.
ORIENT news
