Türkmenistanda maýyplygy bolan adamlaryň arasynda küşt boýunça ýaryş geçirildi
«Awaza» syýahatçylyk zolagynda küşt we şaşka boýunça görüş maýyplygy bolan adamlaryň arasynda Türkmenistanyň çempionaty geçirildi.
Ýurduň Maýyplaryň merkeziniň Bedenterbiýe-sport kluby tarapyndan gurnalan ýaryş Türkmenistanyň ähli welaýatlaryndan we paýtagtyndan ýüzden gowrak gatnaşyjyny ýygnady.
Türkmenistanyň Maýyplaryň merkeziniň Bedenterbiýe-sport klubynyň wekili Azat Narbaýewiň ORIENT-e gürrüň bermegine görä, bu intellektual oýunlarda maýyplygy bolan adamlar üçin düzgünleriň köpüsi küşt we şaşka üçin häsiýetli bolan adaty görkezmelere meňzeşdir.
Ýaryşyň jemleri boýunça küşt ýaryşlarynda birinji ýeri Aşgabatdan Aýdogdy Aýdogdyýew eýeledi. Kümüş medala Mergen Muhaýew (Daşoguzdan) eýe boldy. Balkan welaýatynyň wekili Gurbanmuhammet Durdyýew üçünji orna mynasyp boldy.
Zenanlaryň arasynda Balkan welaýatyndan Ogulgurban Garajaýewa çempion boldy. Ikini orny Daşoguzyň wekili Mahym Taganowa eýeledi. Bürünç medala – Mahym Gurdowa (Mary şäheri) eýe boldy.
Erkekleriň arasynda şaşka boýunça geçirilen oýunlarda Marydan Çarymyrat Orazdurdyýewiň ussatlyk görkezmegi ony çempionlygyna getirdi. Kümüş medalyň eýesi Kuwwatguly Taganow boldy (Daşoguz ş.). Bürünç medala Mary welaýatynyň ýene-de bir wekili Myratgeldi Amanow mynasyp boldy.
Zenanlaryň arasynda Marydan Läle Myradowa iň gowy netije görkezip, finalda Daşoguz welaýatynyň wekili Sewinç Waisowadan üstün çykmagy başardy. Üçünji ýeri Aýgül Myradowa eýeledi (Aşgabat ş.).
Ýeňijiler we baýraklara mynasyp bolalar ýaryşy gurnaýjylaryň sylaglary we ýadygärlik sowgatlary bilen sylaglandylar.
«Şeýle çäreleriň geçirilmegi — mümkinçiligi çäklendirilen adamlaryň durmuşy taýdan uýgunlaşmagynyň we dikelmeginiň möhüm bölegidir. Ýakyn wagtda bize şuňa meňzeş ýaryşlary guramagy dowam etdirmegi meýilleşdirýäris. Şeýlelikde, 2-5-nji maýda Daşoguzda stoluň üstünde oýnalýan tennis boýunça daýanç-hereket ediş apparatynda bozulmalary bolan maýyplaryň arasynda çempionat geçiriler» - diýip, Azat Narbaýew sözüniň üstüne goşdy.
ORIENT habarlar
